რედაქტორის წინასიტყვაობა (Issue II)

სტუდენტური ჟურნალი „ფილოლოგია“ მეორე ნომერში აერთიანებს 8 სტატიას ენათმეცნიერებისა და ლიტერატურის მიმართულებით და ერთ ლიტერატურულ ჩანხატს.

ნინო პაპუნაშვილის სტატიაში „ერთენოვან ლექსიკონებში ასახული გენდერული მიკერძოება და მისი ცვლილება დროთა განმავლობაში“ საინტერესოდ არის გადმოცემულია გენდერთან არსებული დამოკიდებულებები და მათი ასახვა სიტყვათა განმარტებებსა და მაგალითებში. კვლევაში წარმოდგენილია საფუძვლიანი ანალიზი, რომელიც ხაზს უსვამს კულტურის, საზოგადოებაში არსებული ნორმებისა და ლექსიკოგრაფიის როლს გენდერულად მარკირებული ცნებების აღქმის ჩამოყალიბებაში.

აღსანიშნავია მარიამ იორამიშვილის კვლევაც გენდერულ რეკლამებთან დაკავშირებით. სტატია „ენის გამოყენება გენდერული რეკლამების შესაქმნელად“ წარმოგვიჩენს გენდერულ რეკლამებში არსებული ვიზუალური და ვერბალური ინფორმაციის სიღრმისეულ ანალიზს. ავტორი გვიჩვენებს თუ როგორ გამოიყენება  ენობრივი საშუალებები სარეკლამო კომპანიებში სტერეოტიპების შესაქმნელად და წარმოსაჩენად.

ანნა ბარათელის ნაშრომში „ვაჟა-ფშაველას ,,კოსმოპოლიტიზმი და პატრიოტიზმის“ სტილისტური ხერხების შედარებითი ანალიზი ინგლისურ და ქართულ ენებს შორის“ წარმოდგენილია სტილისტური ხერხების შეპირისპირებითი ანალიზი. ავტორი საინტერესოდ განიხილავს რამდენად არის  შენარჩუნებული მხატვრული ხერხები თარგმანში, ყურადღებას ამახვილებს იმაზე თუ როგორ შეიძლება შეცვალოს ენამ  თარგმანის სტრუქტურა და შინაარსი.